青梅竹馬

很想主動去找你
但知道一找過你之後
心入面某些想法便會有所動搖
結果還是希望有一些東西多想一點

----------------------------------------

前一晚與青梅竹馬的他見面
用「青梅竹馬」這個字眼一點也不誇張
因為我與他自小學已經認識
性格、想法、待人處事..... 我與他可說是南轅北轍
當有事情突然發生
我捉著他去傾訴時
每每他都有頗獨特的見解
有時都幾令我心悅誠服

用一個字眼去簡化
他好像永遠都是我的「感情 / 情感的汽水機」
我不斷向他投進一些事、一些情
他自然會把他們分析
然後給予我鼓勵、建議、解決方案
相反他很多時都獨自面對生活上的大事情
他沒有向我訴苦
那我便沒有給予他意見
嗯... 想起真有點慚愧

他指出了我很多不是的地方
也發現了自己處理感情事及溝通方式實在有很大的問題
「你等得佢 OT 就唔好黑面！咁一係你就爽快地唔好等！」
「你成日以為自己做左好多野係為左佢，
你唔轉工係因為想有穩定收入而同佢結婚之類.....
你有冇直接同佢講過？如果你講完，佢都 get 唔到，
咁你有冇反省過係你既表達方式/能力有問題？」
「有問題時你有冇即時同佢講、同佢傾？」
「你地有冇一 d 野係共同擁有的？聽起上黎我覺得你地好似
兩個好獨立既個體咁......」
「係咪所有事情都要o係自己 EQ 低既情況下，立即諗到答案呢？
好啦，即使俾你諗到，果個解決方案都未必係正面的，
咁點解唔等到大家心情平伏時，平心靜氣去想呢？」

當有一個知己像一塊鏡子般
不留情面地 (至少企於我的角度是有這種感覺)
說著我自以為可以去逃避，有藉口不去面對的缺點時
心情一點也不好過
但另一方面
又有幾多人願意冒著與你感情變差的危險，甚至反面
都要實話實說？
他就(像)是這一種人.......

希望我可以自發性地改變自己一直以來悲觀的想法.......





「我覺得你做人都幾唔開心！」
哩句說話我都幾上心